Video Piscatore E Pusilleco » Andrea Bocelli Lyrics | Musica Romanticas

Andrea Bocelli - Piscatore E Pusilleco Lyrics

Piscatore 'e stu mare 'e Pusilleco
ch'ogne notte mme siente 'e cantá,
piscató, sti pparole só lacreme
pe' Maria ca luntana mme sta!

Dorme 'o mare...Voca, voca.
Tutt'è pace attuorno a me.
Ma pecché,
ma pecché mm'hê lassato,
mentr'io moro, stanotte, pe' te!

Casarella d' 'o Capo 'e Pusilleco
spónta 'a luna e te vène a vasá,
quanta notte aggio perzo guardánnote,
quanta juorne aggio visto schiará!

Dorme 'o mare...Voca, voca.
Tutt'è pace attuorno a me.
Ma pecché,
ma pecché mm'hê lassato,
mentr'io moro, stanotte, pe' te!

Zitto oje core, ca 'nterra 'e Pusilleco,
veco n'ombra ca segno mme fa,
na manélla e na voce mme chiámmano,
fra sti bbracce Maria vò' turná!

Dorme 'o mare...Oje bella viene!
'Ncielo 'a luna saglie e va.
Vita mia!
Vita mia mme vuó bene?
Ca si è suonno nun farme scetá.

Dorme 'o mare...Voca, voca....