Video Mordweihnacht » Wurznsepp Lyrics | Musica Lyrics

Wurznsepp - Mordweihnacht Lyrics

Hoizknecht


Schlog um Schlog, Dog um Dog
Baam foin nieda, Imma wieda
Sagl, Axt und Bucklkraxn
Schruntn an de Händ und Haxn
Jedn Dog a Muas zum essn
Umadum echt ois vagessn
A Hoizknecht oft beim Beten hockt,
Und bet’ das eam koa Baam daschlogt

Aloa im Woid
Winta kimmt boid
S’ Dorf braucht Hoiz
Da Hoizknecht hoit’s.
Im Woid is’ staad
A Vogl kraht
Oiwei as selm, oiwei as gleich’
Da Woid is unsa Reich

Natur und Mensch gehen Hand in Faust
Weilst als Mensch hoit baam umhaust
Einsamkeit, a harte Zeit
Zum Durchdraahn hot ma aa ned weit
So mancher hod in seiner Wuad
Mit seiner Axt vergossn Bluad
Aus solche Taten hört ma’s schrein
Da Mensch lebt ned von Brot allein

Aloa im Woid
Da Winta kimmt boid
S’ Dorf braucht Hoiz
Da Hoizknecht hoit’s.
Im Woid is’ staad
A Vogl kraht
Oiwei as selm, oiwei as gleich’
Da Woid is unsa Reich

Koane Frauen, koa Fleisch,
koa Bier, koane Räusch
koan Tabak, koan Stumpn
koan Schnaps, koane Humpn
koa Gaudi, koa G’hoit
nur Woid!
nur Woid!
NUR WOID!!!!