Video Klein Ventje » Willem Vermandere Lyrics | Musica Lyrics

Willem Vermandere - Klein Ventje Lyrics

In Elverdinge daar is 't dat ie stond
Georges 'n klein ventj' een sigaar in zijn mond
Een zwarte mutse en lappen op zijn knien
En al die passeerd' het hem daar gezien

Klein ventje klein ventje, de wereld mag vergaan
Blijf gie maar staan

In warme dagen zat ie plat op de grond
Tegen de meur waar dat ie anders tegen stond
Der valt op de straat altijd wel wat te zien
Een scheur in mijn vest en ie lap op mijn knien

En ik he zo dikwijls gepeisd in 't passant
nu zet ik mijnen auto, heel mijnen boel aan de kant
En 'k ga met dat ventj' een babbeltje slaan
La k ga met Georges tegen de meur gaan staan

Alle, kom zij j' zot, rijd zere maar voort
De mensen gaan wel zeggen, zijn verstand is verstoord
Daarbie 'k en he geen tijd, 'k ben veel te verlaan
'k He ne stal vol koeien die te wachten staan

Mijn huis moe gebouwd en mijn land moe bezaaid
Mijn boomgaard gepland en mijn gras moe gemaaid
De stove moe nog branden en de paster bezocht
Want'k wil zere nog trouwen, der moeten kinders gekocht

En ze moeten ton naar schole, goe gediplomeerd
Nen villa nen auto, proper g'installeerd
Der moet hard gewrocht om deur 't leven te slaan
Of je kunt van armoe langs de strate gaan staan

In Elverdinge daar is t dat ie stond
Georges 'n klein ventje een sigaar in zijn mond
Een zwarte mutse en lappen op zijn knien
En al die passeerd' het hem daar gezien