Video Loerbuis » Hollenboer Lyrics | Musica Lyrics

Hollenboer - Loerbuis Lyrics

't Is guur in de stroat zo begin januari
Oom Piet drinkt een borrel in 't cafe van oom Arie
Alles lik rustig en iedereen blie
Moar buuten schuift stiekum wat donkers veurbie

Een oavond intiem met de vrouw op 't bankie
De kachel op hiete, wat chips en een drankie
Gediene bunt dicht en de kneupies wat los
Tied veur onszelf, veur Prive en de Tros

Moar net as ik fluuster: Ik holle van ow
Dondert zie van de banke, wat kriegen wie now
Twee vliemscharpe ogen die loert hier noar binn'n
Vanaf dat moment ko'w de rust niet meer vin'n

refr.:
Een loerbuis, een loerbuis
Van achter de stroeken
Steet hi-j doar te roeken
Een loerbuis, een loerbuis
Een re'njasse an, op zien kop steet een hoed
Zo kieke heel stiekum hoe de mense 't doet

De deerne hysterisch, huult troanen met tuuten
Ik schiet er de broek an, ik vliege noar buuten
A'k um te pakken krieg dan zal hi-j 't lie'n
Moar nergens is iets van een gluurder te zien

Ik sluup deur 't donker en schud aan de takken
Ie smerige loerbuis ik krieg ow te pakken
Moar alles blif stulle, 't is kold en 't mist
Besluut dus moar gauw da'w ons toch heb vergist

As ik weer op binn'n kom zit zie in pyama
Ik vroag was dit alles gin fata morgana
En net as zie zeg: 't was misschien wel een dreum
Zie ik opeens ook twee ogen now mo'k 't wel geleuv'n

refr.

Ik weet now ok zeker dat zie toch geliek had
Da'k net um half 11 veur een gluurder te kiek zat
Ik kniep um now ook en ik bel 't buro
Leg uut hoe 't zit: dit en dat, zus en zo

Dan komt ze met zwaailicht en loeit de sirenes
De stroat in paniek want 't is now toch menes
Schienwerpes lucht deur 't hele gebied
Zie vind er van alles moar gluurders net niet

Noa drie uur gespeur werd de aktie ontbun'n
En gin mense hef iets van die gluurder 'evun'n
Een loatste inspectie: dan zie ik pardoes
Twee glimmende ogen van de buurvrouw d'r poes

Miauw