Video Zeiger An Der Uhr » Alan Bergman Lyrics | Musica Lyrics

Alan Bergman - Zeiger An Der Uhr Lyrics

Kumm, ich singe dir e Leedche
Denn jet anderes han ich nit
Hück bes do e jlücklich Mädche
Un ich weiss och wie dat kütt

Kumm du bruchs mr nix ze saje
Denn ich weiss et och esu
Doot üch immer joot verdrage
Maat üch selver ald jet fruh

Denn dat Jlück, dat blieht nit lijje
Dat wör widder die Natur
Och dat Jlöck, dat muss sich driehe
Wie dä Zeijer an dr Uhr
Wie dä Zeijer an dr Uhr
Dä Zeijer an dr Uhr

Jlöck, dat kammer nit bezahle
Nit en Penninge un Sching
Ömesöns es hätzlich Laache
Un dr Sonnesching om Rhing

Doch für Jlöck jitt et kein Brootwoosch
Un für Sonnesching kein Flönz
Selvs vum Fiere kriss de Nohdoosch
Et jitt janix ömesöns
Met dr allerjrössten Liebe
Do bezahls de hück kein Meet
Un für Ahle un für Junge
Jeiht et wigger un retour
Einmol bovve, einmol unge
Wie dä Zeijer an dr Uhr

Dofür bruch mr nit ze kühme
Luur nit schwatz un luur nit ruut
Dunn em Levve nix versühme
Wenn de suur bes, bes de duud

Nemm, wat dir es, dunn och jevve
Maach dich schön, sulang et jeiht
Et es noch keiner hejeblevve
Op dä schönen jrosse Ääd

Wenn de kriesche muss, dunn laache
Leid verjeiht doch met dr Zick
Wenn de Krach häs, loss et kraache
Wer dich jään hätt, kütt zerück

Jeiht de Liebe ens kapott
Und es dinge Tünnes fott
Un es nix mieh met l'amour:
Alles, alles heilt die Uhr
Sing' die Leedche, dat es wichtich
Ens en Moll un ens en Dur
Eimol falsch un eimol richtich
Luur nit immer op de Uhr
Die kann och nit immer jonn
Selvs die Uhr, die blieht ens stonn
Selvs die Uhr, die blieht ens stonn