Video Akredita Feat Batchart E Coral Esjb » Djodje Lyrics | Musica Kizomba

Djodje - Akredita Feat Batchart E Coral Esjb Lyrics

N kordá gosturdia sen vontade pa fzê nada
Aliás vontade é fzê majia i dzaparsê pa un tenporada, io
U-k'é ke N kria? É dzaparsê, po pe na strada i go
Ka ta da pa ser forte tude dia kónde prublémas é un larada, bro
Bo ka ta suporta un grama, ma bos onbre ten un tonelada
Ta parsê ke kónde bo stóde na lama é ke tude inkuante ta ben dun sentada
I N ka kris nen seí de kama i ke kabésa na nha almufada
N pensá: u-k'é ke N ti ta reklama?! N ta vive, nton, obrigada
N ten mutive pa N txorá? Sin! Ma N ten mute más pa N arrí
Purkê kel Deus ke N t'orá, N sabê ke nunka el txá-m iludí
Mesme kónde sénas piorá, foi na el ke N otxá kamin
Nton, purkê dzesperá a ponte de txá tristéza morá na mi?
Kónde N spiá pa tras na nha vida tónte de barréra ke senpre izistí
N tive ke prendê da vólta pa riba, N ben lonje dmás k'é pa N ben dzistí
Apezar de dúvida i nhas frida, inda N ta li N ta ben rezistí
Inda N ta li N ta na nha kurrida, un dia N sabê ke N ta konsgí

[Djodje]
N sabê ma N podê konsegí txgá undê ke N kizer
Sin, ten barreras pa ultrapasá, ma mi N sabê ma N podê alkansá
I ta txgá kel dia ke alegria ta fzê-m skesê tude u-ke N sofrê
Ta valê péna, o-o ie
Mi N sabê: na El N podê akreditá!

Txá-m kontó-be un segrede, io, ke poke jente ten nusãu
N tive dente de kuate parede kuaze a bera dun depresãu
Mi so ftxóde dente de nhas mede, ta pensa asnera na skuridãu
Ta oiá nhas sonhe ta skua-m na mei de dede sen nun puera de mutivasãu
Txá-m kontó-be ote segrede, irmãu
Bo sabê u-k'é ke levanta-m, guenta-m i gia-m?
Bo sabê u-k'é ke sustenta-m i ka txá depresãu leva-m?
Foi amor é ke resgata-m! Ma N ka ta faló-be d'amor romántiku nau
Foi amor própiu é ke salva-m, da-m xanse, mutiva-m
Kónde tude inkuant falta-m, ke N ta na txon sen nenhun mô k'é pa ijda-m
O N ta txá frustrasãu rasta-m o un ta ser forte
É unike opsãu é ta te resta-m
N oiá na spei ken ke N ta skeside é ke ta ama-m
Piór d' u-ki bo stóde pirdide é sintí pirdide dente de bo mês
Kónde bos grite é n'é uvide, bo ta prendê sofrê na silénse
Pur más ke dor é intense, bo ta prendê oiá-l kome un parénteze
N ftxá-l i N ta kontinuá ta skrevê nha stória pur stense

[Djodje]
N sabê ma N podê konsegí txgá undê ke N kizer
Sin, ten barreras pa ultrapasá, ma mi N sabê ma N podê alkansá
I ta txgá kel dia ke alegria ta fazê-m skesê tude u-ke N sofrê
Ta valê péna, o-o ie
Mi N sabê: na El N podê akreditá!

Akreditá
Bo ten ke akreditá na El, u-o-o-o

Na El N podê akreditá!