Video Fable » Elephant Gym Lyrics | Musica Rock

Elephant Gym - Fable Lyrics

Fable Lyrics若準是 董事長來託夢
伊講 伊想欲駛 伊家己生產的彼台車
載厝裡的親人 紡起去草山挽芭樂

若準是 總舖師來託夢
伊會講 紅標的油 毋通用
食了傷身體
彼鼎 閣真歹洗

若準是 作家來託夢
伊會講 小說拍做電影 攏真歹看 結局 閣譀呱呱
若準是 船長來託夢
伊講 海的另外一爿 仝款攏是海 並無新大陸
伊就回頭 佮海豬仔走相逐

我問阿公 阿公 敢有西方極樂世界
阿公 講有 講遐 風景袂歹 毋過 伊頇顢拍牌
高手 閣有夠濟 後來……
後來 亂鐘仔就喨矣 我去洗面 鑢喙齒
嘛袂記得 阿公 敢有變瘦 抑是變懸

我問阿媽 阿媽 敢有西方極樂世界 阿媽嘛講有
阿媽講 阿公 阿婆 𪜶攏佇遐
佇遐咧 食飯 開講 閣唱歌
看冊 啉酒 閣去紲攤

你若有話 袂赴講
做過啥物代誌 予你感覺後悔
攏會當 等你睏去
去夢中 去夢中 去夢中 才寬寬仔講You might also like